Thursday, December 3, 2020
Home Dib U Eegis Buug Nuuruddiin Faarax Ma ka Dhabeeyay Riyadii Keenaddiid?

Nuuruddiin Faarax Ma ka Dhabeeyay Riyadii Keenaddiid?

Konton sano ayaa kasoo wareegatay sannadkii (1970) uu halyayga iyo aabbaha qoraayaasha Soomaaliyeed Nuuruddiin Faarax nasoo hordhigay sheekada mala-awaalka ah ee gabadha uu u bixiyay Ceebla oo jisha sheekada buugga Feerta Qallocan –From the Crooked Rib (Kaeeg Faallada buuggan Jamhuriyadda 13 Diseembar 2018).

Buugaani waxaan xusuusta toddobaatameeyadii iyadoo dhallinyadara Soomaaliyeed oo ardayda Jaamacadda Qaranka  (JUS) u badan oo wadaagaaya hal buug oo wareeggisa ay mudda dheer qaadanayso. Waxaan kaloo xusuustaa buuggiisa Caano Suusac (Sweet Sour Milk) oo aan kasoo iibsaday dibadda wareeggii akhriska uu galay ugu dambaystiina dibba umasoo noqon.

Konton sano ka hor (1920-22) ayaa nin kaloo Soomaali ah, Cismaan Yuusuf Keenaddiid, isku dayay inuu dadka Soomaaliyeed uu siiyo far u gaar ah oo  xambaarta afakooda, suugaantooda, hiddahooda iyo wax waliba oo ay gaar u leeyihiin. Cismaan abaal marin ma helin, balsee waxaa uu gumaystihii Talyaaniga ku tuuray xabsi kuna sugay   kadeed, iyo musaafiris. Cismaan wuxuu geeriyooday isagoon ebyin hawshuu billaabay. Waxaa dad badani ay moog yihiin in gumaystaha Talyaaniga uu ku soo rogay Dalka Soomaalida uu bobay sharci ka dhigaayaa  dembile qofka Soomaaliga ah oo adeegsada far Soomaaliyeed, balse loo oggol yahay inu addegsado keliya farta Carabiga, Talyaaniga, Ingiriiska iwm.

Buugga Nuruddiin Feerta Qalloocan waxaa koton-guuradiisi lagu xusay dal shisheeye (Nairobi) halkii dalkiisa hooyo oo kontanka sano uu wax u qorayay waxna ka qoraayay  calankiisa hayay xitaa markii calanka uu aasmay. Dhammaan buugaagtiisa waxay khuseeyaan oo ay ku saabsan yihiin dalkiisa. Sikastaba, NF tacabkiisa ma dhumin sababtoo ah waxa uu tusaale iyo horseed u noqday qoraayaal ku dayday af kastay wax ku qoraanba, dalkiisana ugusoo jiiday suugaantiisa magac dheer. Maalin anigoo jooga Cambridge ee dalka Ingiriiska ayaa nin Ingirris ah i waydiiyay dalka aan ka imid markii aan ku iri Soomaaliya ayaan ka imid ayuu igu yiri: “Dalka Nuuraddiin Faarax ayaad ka timid soo ma aha?!”

Waxaa kaloo nasoo gartay in buggani laga samayn doono Film, kaaso lagu sameyn doono Hay’adda Sinamada ee Jabuuti .

Wargeska Jamhuuriyadda oo herey uga faallooday dhawr ka mid ah buugaagtiisa ayaa isku dayaaya inuu u dabbaal dego kontan guurrihii buugga Nuuruddiin Faarax isla markaasna xusuusiyo akhristayaasha wargweyska dadaalkii Cismaan Yuusuf Keenaddiid oo boqol sano ka hor (91920-1922) askumay far Soomaaliyeed, inkastoo konton sano ka dib Guddigii Af Soomaaliga ee Akademiyada Cilmiga, Suugaasta iyo Fanka uu doortay [i]  fartii uu soo jeediyay Shire Jaamac Axmed.

Axmed Qaasim Cali


[i] Dadaalka farta kuma koobnayn Keenaddiid iyo Shire Jaamac Axmed oo qur. Taarikhda farta Soomaaliyeed waa mid dheer oo ay indheergarad iyo culima fara badan ka qayb qaateen.

Leave a Reply

Most Popular

Soomaaliya Diyaar Ma u Tahay Bixitaanta Ciidamada Mareykanka?

Toddobaadkii dhawaa ayaa Ku-simaha Xoghayaha Gaashaandhigga Mareykanka Christopher Miller ee la magacaabay November 9dii booqashadii ugu horraysay ee calami ah ku yimid...

Xaliima Aaden oo Dib u Qiimaysay Asturnaanteeda

Xaliima Aaden oo ah gabadh Soomaali-Americaan ah, oo ku soo caanbaxday quruxda “xijaaban” ayaa toddobaadkii dhawaa go’aansatay inay iskaga harto tartamada quruxda...

Iska Caabinta Faragelinta Kenya Maxaa Xigi Doona

Dood-cilmiyeed uu soo agaasimay Machdaka Raas, ayaa Madaxweyne Maxamed Cabdullahi Farmaajo ka yiri “waa su’aal da’weyn wakhtigeeda ayaan sugaynaa Insha Allah,” ka...

Ololaha Musharrixiinta Madaxtooyada – Maxaa Ka Soo Baxay Maxaase Laga Filayay?

Dhowr iyo toban musharrax madaxweyne oo November 21, 2020 ​uga furmay shir Hotel Jaziira ee magaalada Muqdisho ​si ay uga arrinsadaan siyaasadda dalka ka hor...

Recent Comments

%d bloggers like this: