Wednesday, June 7, 2023
Home Dib U Eegis Buug Taariikh Nololeedka Qoraa: Layla Xuseen Cali

Taariikh Nololeedka Qoraa: Layla Xuseen Cali

Layla Xuseen Cali waa qoraa iyo gabyaa Soomaali ah oo da’ yar (22 jir), waxayna ku dhalatay Sanca, Yaman 4.12.1998. Waxay ku kortay oo wax ku baratay Sanca oo uu  qoyskeedu deggan yahay. Layla waxay dhigataa sannadka saddexaad ee  kulliyadda Clinical-Dietery and Nutrition ee Jaamacadda:  University of Science and Technology,  Sanca.

Haseyeeshee,  hiwaayadeeda dhabta ah waa curinta  sheekooyinka gaagaaban iyo dhaadheer, maansooyinka, riwaayadaha masraxa, iyo musicals. Waxay kaloo jeceshahay inay qorta miraha heesaha (erayada). Maadaama dhammaan waxbarashadeeda ay ahayd afka Carabeed, Layla  afkaas ayay wax ku qortaa. Waxay ku hadashaa Carabiga ka sokow afkeeda hooyo ee Soomaaliga iyo afka ingiriiska oo ay u leedahay aqoon shaqo.

Sannadkii 2018 waxay ka qayb qaadatay oo ay qayb ku lahayd Diiwaan gabayo bahwadaag ah oo ciwanaankiisu ahaa: “Geigbayba Ma Waalni.” Isla sannadkaas waxay ku guulaysatay inay  soo saartay hees magaceedu ahaa “Lucbatii, Cayaartaydi.”

Buuggeeda ugu horreeyay wuxuu soo baxay 2019, cinwaankiisana waa: Octavia (Oktafiya), waana gabayo. Buuggaan daabacaaddiisi hore waa la wada dhammaystay; wuxuu sugayaa daabacaaddii labaad. Buuggan Octavia sidaan hore u sheegnay wuxuu dabcan kusoo baxay af Carabi  oo u turjuman af Ingiriiska. Buugga waxuu leeyahay sawirroo gabar fannaanad ah ay sameyso; sawir walibana wuxuu la xiriiraa micnaha gabayga uu xambaarsan yahay.

Isla sannadkaas waxay ka qayb qaadatay curin riwaayad masraxeed oo gebigeedaba hees lagu jilayo (Musical) oo abwaanna kale ay ka qayb qaateen. Cinwaanka musical-kan waa: “Qofkii Noolow La Noolow Dadka!

Layla waa indheergarad, maansayahan, qoraa iyadoo curdin ahna  muujisay inay hibo iyo karti dabiici ah weyn ay leedahay, misna waxaa u dheer fahmo iyo dadaal dheeraad ah.  Waxaa hubaal ah in ay  meesha sare oo ay  tiigsanayso gaari doonto guulna soo hoyin doonto. Diiwaankeeda Octavia taas ayuu ka markhaati kacayaa. Dhabbaha Layla ay ku socoto waa mid ujeedda badan ah: maanso, sheeko, heeso, riwaayad, iyo masraxa loo yaqaan musical.

Layla waa jiilalka da’da yare ee Somaaliyeed oo dhashay dagaalka sokeeye ka dib oo lagu habay technologiyada digitaalka ah ee cusub oo ay ku firfircoon tahay adeegsigeeda iyo ka faa’idaysigeedaba. Facebook, Twitter, Instagram, Youtube, iwm intaba way dhex-dabbaalataa kula xiriirtaa taageerayaasheeda iyo asxaabteeda.

Wargayska Jamhuuriyadda wuxuu akhristaiyaashiisa goor dhaw usoo bandhigi doonaa Faallo la xiriirta buugga Layla ee Oktafiya.

Axmed Qaasim Cali

LEAVE A REPLY

Please enter your comment!
Please enter your name here

Most Popular

Soomaaliya – Doorashada Dowladaha Hoose ee Puntland oo Xiisad Siyaasadeed Abuurtay!

Jamhuriyadda Shacabka ku dhaqan maamul goboleedka Puntland ayaa cashar siyaasadeed u dhigay qawlaysatada siyaasadda, kaddib markii ay u dareereen...

3 Questions – Reopening Kenya-Somalia Land Border

By Gozde Sogutlu Move to facilitate development of diplomatic relations between 2 prominent East African countries.

Xaqiiqada Jaamacadda Carabta – Dabayl Diblomaasiyadeed oo Ka Dhacaysa Bariga Dhexe

Jamhuriyadda Boqortooyada Sacuudiga ayaa Jimcihii May 19, 2023, ku martiggelisay Jiddah shir madaxeedkii 32aad ee Jaamacadda Carabta oo dib...

Erdogan – Ninka Doorshada Turkiga Lagu Loodin La’yahay

Jamhuriyadda Doorashadii madaxtinimada Turkiga ee May 14, 2023 oo uu madaxweyne Recep Tayyip Erdoğan (49.51%) kula tartamayay hoggaamiyaha isbahaysiga lixda...

Recent Comments