Monday, October 3, 2022
Home Siyaasadda Doorashada Guddoonka Golaha Shacbiga Ma Horseedi Kartaa Isbeddel Khayr Qaba

Doorashada Guddoonka Golaha Shacbiga Ma Horseedi Kartaa Isbeddel Khayr Qaba

Jamhuriyadda

Xulashada Golaha Shacbiga oo madlaneyd in la soo gabaggabeeyo March 15, 2022 ayaa mar kale dibudhacday, taasoo saameyn ku leh doorashada guddoonka labada aqal ee barlamaanka 11aad, inta aan loo gudbin tii madaxweynaha oo udub dhaxaad u ah isbeddel ku yimaad hab nabadeed. 

Ma sahlana saadaalinta guddoon aan ilaa hadda la dhammaystirin xubnihiisa. Balse, ilo wargaleen ah ayaa sheegaya in wadahadallo aan rasmi ahayn ka socdaan daaha gadaashiisa. 

Waxaase hubaal u muuqda, in rajadii dib u soo laabashada Maxamed Cabiraxmaan Mursal ay aad u liidato, uuna eedsaday ku tumashadii xeerarka dastuurka ee dhaliyay khilaaf siyaasadeedka dalka gaarsiiyay marxaladdii khatarta ahayd.

Sidoo kale, waxaa meesha ka baxday mala awaalkii lahaa madaxtooyada ayaa ku qalqaalinaysa Cabdicasis Xasan Maxamed Laftagaree inuu u tartamo hoggaanka Golaha Shacabka. 

Wadahadallada ayaa laga yaabaa inay burburaan haddii aan muranka lagu heshiin. Laftagareen ayaa dabada ka riixaya Aadan Maxamed Nuur Saransoor oo hore gudddomiye uga soo noqday gobolka Bakool khibradna u leh maamulka iyo siyaasaddaba. Inta uusan isku dhiibin Laftagareen, wuxuu Saransoor ka mid ahaa musharrixiintii u loollamayay hoggaanka  maamul-gobleedka.

Inkastoo, si faahfaahsan loo hayn muranka lagu kala qaybsan yahay, mala-awaalku waxuu yahay in Nabad iyo Nolol ay si aan gabasho lahayn u taageersan tahay Cali Saciid Fiqi oo khibrad hoggaamin ku soo qaatay golaha wakiillada Konfur Galbeed.

Mucaaradka ka soo horjeeda ayaa ku dhaleeceynayaa daacad u ahaanshaha madaxweynaha. Halka dadka yaqaan ay leeyihiin waxuu leeyahay awood uu ku xaliyo qalalaasaha siyaasadeed ee sida joogtada ah u aafeeya dalka, haddii fursad loo siiyo. 

Doorashada baarlamaanka waxay daaha ka qaadday qaabdarrada siyaasadeed ee Soomaaliya. Balse waxay dhinaca kale fursad siisay jufooyin ka oonnaa awood siyaasadeedda beelaysan.

Koonfur Galbeed waa gobolka ugu xildhibaanada badan baarlamaanka, balse waxay u baahan tahay isu-tanaasul. Ku guulaysiga codka qarsoodiga ah ee Golaha Shacbiga waxuu u baahan yahay cod ku filan oo midkoodna ilaa hadda heli karin.

Saadaashu  waxaa tahay in Madaxweynaha soo bixii doono uu noqon doono nin sii wadi kara waxqabadkii maamulka Nabad iyo Nolol intaan laga weecan dhabbaha toosan.

Barawe oo musharraxoodu guulaysta markii ugu horreysay taariikhda siyaasadda Soomaaliya ayaa tijaabo ku ah awood siyaasadeedda beelaysan, walow guusha Fiqi ay kordhi karto rajada Maxamed Cabdullahi Farmaajo.

Maqaalka waxaa laga yaabaa inuusan u qorneyn qaabkiisii ugu dambeyay oo waa la cusbooneysiin karaa ama dib loo eegi karaa mustaqbalka. Masawirka: Internetka ayaa laga soo amaahsaday. 

LEAVE A REPLY

Please enter your comment!
Please enter your name here

Most Popular

Yaa u Kala Dabqaaday Xasan Sheekh iyo Abiy Axmed oo Kala Didsanaa?

Jamhuriyadda Madaxweyne Xasan Sheekh Maxamuud ayaa, markii ugu horreeysay tan iyo dib u doorashadiisii, ku tegay magaalada Addis...

Dagaal aan Qorshe Lahayn – Waxuu Luminaya Fursad Dahab ah

Jamhuriyadda Soomaaliya ayaa muddo ka badan rubac qarni ku jirtay deggenaasho la’aan siyaasadeed iyo mid amniba. Waxgaradka dalka...

Somalia’s Vigilante to Eradicate al-Shabaab

By Abukar Arman In a country that is never short of hot button issues, lately the Ma’wisley issue has been stirring...

Washington Waxay U Baahan Tahay Inay Dib U Eegto Siyaasadda ay Kula Dhaqanto Soomaaliya

Jamhuuriyadda Madaxweyne Xasan Sheekh Maxamuud oo socdaalkiisii ugu horreeyay, tan iyo markii dib loo doortay ku tegay magaalada Washington, ayaa...

Recent Comments